American mungdan Texas mare kaw shanu nga ai jinghpaw salang ni rai nga ai Slg. N-Dayu Sut Nau, Slg. Maran La Hpum hte Shy. Lamau Ah Ling ni gaw 26 Oct. 2009 shani hta e laiwa sai American Gumsan wasa George W. Bush ,Colin Powel, New York Mayor usa Rudy Giuliani zawn re ai ning baw usa ni woi awn bawng ban ai zup hpawng kaba de sa du shang lawm wa sai lam na lu ai.
Ndai Jinghpaw salang ni gaw George W. Bush, shi a Gumsan magam lam hte seng nna tsun sang lang dan ngut ai hpang, Wun Pawng myu sha lam hte seng nna shi galaw lai mat wa sai lam ni hpe ram ram wa n-gun nlu, myit ndik ai lam ni hpe jinghpaw salang ni shada bai jahkrup ding lik lai wa sai.
Ndai Jinghpaw salang ni gaw ndai zup hpawng kaba ngut ai hpang wunpawng myu sha lam hte seng nna matut galaw sa mat wa na lam ni hpe masing jahkrat hpang wa masai.
Du wa na November shata hta e mung Washinton D.C shara kaw Mrs. Clinton woi awn galaw na Genocide lam hte seng ai zup hpawng kaba hta e mung sa jahkrum bawng ban na matu lajang da ma ai hpe na lu ai.
Matsing: : Ndai salang ni woi awn ai ndai hpawng de ngai hpe mung mahkrum madup lu na matu woi sa ai re majaw ndai lam hte seng nna npawt ndung hkren yawng na la lu sai rai.
Monday, October 26, 2009
Jing Hpaw slang ni Bush hte sa hkrum
Zup hpawng rai nhpang yang, ga shaga nga ai George W. Bush
Posted by Mawunla at 5:35 PM
Labels: About Education, Activities
Subscribe to:
Post Comments (Atom)
1 comments:
UMmmmm.... nat dat ai daram hpe madat yu yang gaw kabu hpa gaw rai nga ai. raitim arawng la hpa hte akyu pru na lam gaw n mu mada ai. Ndai lam hpe post galaw ai NANG nan gaw hpabaw hpe madung tsun dan mayu ai mung, nang ka da ai kaw na hpa mung chye la lu ai lam n nga ai. Bush hte sa hkrum lu ai ngu ai hpe sha arawng la nna shana shabra dat ai re ngu hku sha chye na la ai. Nang nan lawm, n lawm mung n tsun dan ra na shadu ai. Arawng la nna sha nga taw yang na a amyu na matu hpa n lu galaw ai yaw... dai hpe dum u....
Post a Comment