Saturday, January 8, 2011

Monday, October 26, 2009

Jing Hpaw slang ni Bush hte sa hkrum


American mungdan Texas mare kaw shanu nga ai jinghpaw salang ni rai nga ai Slg. N-Dayu Sut Nau, Slg. Maran La Hpum hte Shy. Lamau Ah Ling ni gaw 26 Oct. 2009 shani hta e laiwa sai American Gumsan wasa George W. Bush ,Colin Powel, New York Mayor usa Rudy Giuliani zawn re ai ning baw usa ni woi awn bawng ban ai zup hpawng kaba de sa du shang lawm wa sai lam na lu ai.

Ndai Jinghpaw salang ni gaw George W. Bush, shi a Gumsan magam lam hte seng nna tsun sang lang dan ngut ai hpang, Wun Pawng myu sha lam hte seng nna shi galaw lai mat wa sai lam ni hpe ram ram wa n-gun nlu, myit ndik ai lam ni hpe jinghpaw salang ni shada bai jahkrup ding lik lai wa sai.

Ndai Jinghpaw salang ni gaw ndai zup hpawng kaba ngut ai hpang wunpawng myu sha lam hte seng nna matut galaw sa mat wa na lam ni hpe masing jahkrat hpang wa masai.

Du wa na November shata hta e mung Washinton D.C shara kaw Mrs. Clinton woi awn galaw na Genocide lam hte seng ai zup hpawng kaba hta e mung sa jahkrum bawng ban na matu lajang da ma ai hpe na lu ai.

Matsing: : Ndai salang ni woi awn ai ndai hpawng de ngai hpe mung mahkrum madup lu na matu woi sa ai re majaw ndai lam hte seng nna npawt ndung hkren yawng na la lu sai rai.


Zup hpawng rai nhpang yang, ga shaga nga ai George W. Bush










Monday, October 19, 2009

Contact us
kgnblog@gmail.com

Sunday, February 17, 2008

Union Day of HBurma


Sunday, February 3, 2008

Hpyen dap a roi rip hkrum ai num sha 2 Thai mung de du


Lai wa sai aten hta Putao gin wang kaw myen hpyen dap a roi rip hkrum ai num sha 4 kaw na lahkawng ya aten hta Thai mung dan de hprawng du wa ai lam chye lu ai.

Kachin Rawt malan manau poi laiza kaw galaw

Wun Pawng manau poi hpe hkyik hkam la ai hku lai za mare kaw galaw nga sai rai. Manau poi hpe feb 2 kaw na feb 5 rawt malan nhtoi shani du hkra matut galaw mat wa na re ngu BBC shi ga hpe lahkap nna chye lu ai

Sunday, January 20, 2008

Peru music in Bukit Bintang

video

Malaysia mung dan a Hkawm sa hkawm wa law dik la ai (Bukit Bintang) ngu ai shara kaw mung kan shara shagu na yu ngwi shayi shadang sha ni ndai zawn rai manu jahpu nla ai sha shangwi shapyaw nga ma ai.

Dai zawn rai shangwi shapyaw ai shaloi shan hte a CD alburm ni hpe shawa chye hkra kalang ta shapoi shabra ai rai lu ai.

Ndai gaw south america (Peru) mung dan na Band langai rai nga ai.

Thursday, January 17, 2008

KDO salang ni American Immigration dat kasa hte hkrum

American mung dan LIRS (Lutheran Immigration And Refugee Service ) Project Coodinator lit hkam Hpu nau hkang myu sha Sara Paul Uk ngu ai wa Malaysia mung dan de du sa nna myen mung na myu baw sang shagu hte hkrum tsup zup hpawng hpe lai wa sai 16.01.08 ya shani 7:00pm hta galaw lai wa sai.

Shi du sa ai lam madung gaw Malaysia kaw du nga ai myen mung refugee ni hpe sa gawan ai rai nna, ra ai lam ni hpe seng ang ai Malaysia UNHCR rung de tang madun na matu rai nga ai.

Uhpung uhpawng shagu ra ai lam ni hpe tang madun nna zup hpawng hpe shana 10:00pm daram hta hpung dim dat ai.

Lak lai ai lam gaw Hpu nau hkang myu sha rai tim wun pawng jing hpaw myu sha ni hte grai hku hkau ai hpe mu lu ai. Malaysia mung dan Wun Pawng tsin yam ni hpe garum madi shadaw ya nga ai KDO rung de mung 3 lang tup sa du gawan nna ra ai lam ni hpe hku hku hkau hkau bawng ban hpa ji jaw la lai wa sai rai.